Forsíða European Heart Journal, febrúar 2010

Vísindamenn komust að þeirri niðurstöðu eftir 10 ára rannsókn að bjartsýni og jákvæðni minnki áhættu á hjartasjúkdómum.

Þeir komust að því í rannsókn að þeir sem virka hvetjandi, ánægðir og trúa því að glasið sé frekar hálffullt heldur en hálftómt eigi betri möguleika á góðri hjartaheilsu.

Þetta er fyrsta rannsóknin sem gerð hefur verið og sýnir fram á skýrt samband milli jákvæðni og minni líkna á hjartasjúkdómum.

Niðurstöðurnar voru birtar í European Heart Journal. Þar er sýnt fram á hvernig neikvætt hugarfar getur haft skaðleg áhrif á hjartað.

Dr. Karina Davidson hvetur til frekari rannsókna og vinnu til að koma áhrifum af niðurstöðunni út í samfélagið, og þá sérstaklega til forvarnaraðila og umsjónaraðila hjartameðferða.

Rannsóknin tók 10 ár og einbeitti sér að 1739 heilsuhraustum og fullorðnum einstaklingum. Hjúkrunarfræðingar mátu áhættu á hjartasjúkdómum og mældu jafnframt einkenni þunglyndis, fjandskaps, streitu , og báru saman við tjáningu á jákvæðum tilfinningum eða ‘jákvæðri hlýju’.

Jákvæð hlýja er reynsla af ánægjulegum tilfinningum eins og gleði, ánægju, spennu, hvatningu og sátt.

Sjá nánar:

• Mail Online: Optimists ‘are less likely to get heart disease’
• European Heart Journal: Don’t worry, be happy: positive affect and reduced 10-year incident coronary heart disease: The Canadian Nova Scotia Health Survey

Einstaklingsþotan prófuð. Mynd: Caters

Þú hefur kannski séð einstaklingsþotur í James Bond kvikmyndum eða lesið um þær í vísindaskáldsögum, en nú eru þær í fyrsta sinn framleiddar til sölu á opnum markaði.

Martin Aircraft Company ætlar að framleiða 500 þotur á ári og selja þær á um kr. 10 milljónir stykkið.

Þotan var fyrst sýnd af uppfinningamanninum Glenn Martin í júlí árið 2009. Hún vegur 115 kíló og vegna þyngdar hennar þarf ekki sérstakt leyfi til að fljúga henni. Hægt er að flúga um 48 kílómetra á hálftíma á fullum tanki.

Nýjasta módelið hefur komist í 2.4 km hæð og getur ferðast 97 kílómetra á klukkustund.

Forstjóri Martin Aircraft Company, Richard Lauder, segir að þotan sé tilvalin fyrir neyðarþjónustu, einkanotkun og jafnvel hernað.

Fyrirtækið vinnur með ónefndum flugvélaframleiðanda að markaðssetningu og frekari þróun.

Sjá nánar: Flying into the future: New Zealand company to make personal jet packs (Telegraph.co.uk)

Mér hefur aldrei fundist ég passa neins staðar inní, ég fékk snemma á tilfinninguna að ég yrði sjálf að skapa mér farveg fyrir hæfileika mína. Ég tolldi ekki vel í vinnu hjá öðrum, af ýmsum ástæðum, sum fyrirtækin fóru á hausinn eða borguðu seint og illa. Það var engin námsbraut í Háskólanum sem var í samræmi við áhugasvið mitt.

Þannig fór að ég skapaði mér sjálf minn eigin farveg, það var ekki alltaf auðvelt, en ég er þess fullviss að það er farsælla að bera ábyrgð á eigin hamingju, og treysta á sjálfan sig, heldur en að þurfa eiga allt sitt undir öðrum. Mér finnst það í sjálfu sér vera partur af því að fullorðnast, að vinna hjá sjálfum sér og skapa sér sinn eigin veruleika.

Ég hef enga sérstaka menntun aðra en stúdenspróf. Það sem ég hef aðallega fengist við í gegnum árin er alveg ótengt námi mínu, ég hef orðið að reiða mig á brjóstvitið og eðlisávísunina til að fleyta mér áfram. Eftir þá reynslu er ég sannfærð um að menntun sé ofmetin, þá á ég ekki við grunnskólanám og þá menntun sem við sækjum okkur sjálf á okkar eigin forsendum.
Heldur það þegar fólk eyðir mörgum árum í að afla sér einhverrar vitneskju, sem það er ófært um að færa sér í nyt á nokkurn annan hátt en að blaðra um og velta sér upp úr því sem það hefur innbyrt úr námsbókunum, verða einhverskonar bergmál af því sem það hefur lesið.

Ég er líka sannfærð um það að hvert og eitt okkar sé gætt ríkulegum hæfileikum og gáfum, og það fari best á því að hvert okkar tjái og þroski sínar einstöku guðsgjafir. Ekkert okkar má fara til spillis, og þá á ég við það þegar fólk leyfir sér bara að verða lítið brot af því sem það gæti orðið.

Veröldin yrði líka miklu bjartari ef við leyfðum okkur að skína aðeins meira. Það er vitað mál að þau fyrirtæki sem leggja áherslu á það að hver starfsmaður fái að njóta sín gengur betur, og því meira sem reynir á hæfileika og getu fólks því ánægðara verður það.

Fyrirtæki sem vill vaxa og dafna, þarf að leggja áherslu á að skapa farvegi fyrir hæfileika starfólksins. Einstaklingur sem vinnur sjálfstætt, þarf að hlusta á sinn sannleik og sín markmið, og skapa sér farveg í samræmi við það, og axla ábyrgð á sínum veruleika.

Sköpunargleði og hæfileikar njóta sín best, þar sem þeir eru metnir að verðleikum.
Flest okkar vannýta hæfileika okkar og getu, því við getum miklu meira en við höldum.

Ég sjálf hef fundið mér ýmsar afsakanir til þess að hefta mig, uppáhaldsafsökunin mín var peningaleysi, menntunarleysi, ég taldi mér líka trú um að annað fólk eða aðstæður eða tíminn væri ekki réttur. En að lokum kom þetta allt út á eitt, það eina sem einhverntíma stóð í vegi fyrir mér var ég sjálf og mín takmarkandi viðhorf.

Kannski var ábyrgðin það sem ég óttaðist mest því að ef ég vel fyrir mig og tek ábyrgð á vali mínu, þá get ég engum kennt um ef allt gengur ekki að óskum. En loksins þegar ég tók stökkið til fulls og fór að vinna sjálfstætt, þá fyrst upplifði ég frelsi. Frelsi til að vera ég og standa og falla með ákvörðunum mínum, og tekjurnar jukust í samræmi við umsvif mín.

Í dag upplifi ég það að ég passa inní, það er af því að ég hef aðlagað minn vinnuveruleika að mínum hæfileikum og getu. Það gerðist ekki í einum vetfangi heldur tók sinn tíma, ég er ekki í nokkrum vafa um það að aðferðirnar sem ég lærði á Hugeflisnámskeiði hjá Garðari Garðarssyni hafi gert útslagið, þar fann ég leiðir sem ég gat notað til að finna minn eigin farveg og ryðja í burtu hindrunum sem stóðu í vegi fyrir mér.

Ég vil endilega benda fólki á bókina Hugefli, og CD geisladiskana frá Hugbrot ef það vill auðvelda sér leiðina, bókin fæst á www.hugbrot.is

Signý Hafsteinsdóttir

Nýi Glitnir hefur ákveðið að fella tímabundið niður uppgreiðslugjald verðtryggðra húsnæðislána. Uppgreiðslugjald samkvæmt skilmálum þessara lána er 2%. Með þessari aðgerð vill Glitnir koma til móts við þá viðskiptavini sem vilja greiða upp sín lán. Frá og með deginum í dag er því engin þóknun tekin fyrir uppgreiðslu verðtryggðra húsnæðislána, né vegna innáborgunar á höfuðstól.

Birna Einarsdóttir, bankastjóri Nýja Glitnis:
„Við höfum fundið fyrir áhuga hjá viðskiptavinum að greiða niður þessi lán. Sá áhugi er mjög skiljanlegur þegar verðbólga hefur verið jafn há og raun ber vitni. Þetta er ein af þeim leiðum sem við erum að kynna þessa dagana til þess að styðja við bakið á okkar viðskiptavinum.”

Höfundur: Frosti Sigurjónsson, Dohop.com

Dohop ehf er íslenskt hugbúnaðarfyrirtæki sem þróar og rekur sérhæfða leitarvél www.dohop.com sem ferðafólk um allan heim notar að finna ferðatengda þjónustu á vefnum. Fyrirtækið var stofnað 2004 og hjá því starfa 14 manns.

Eðlilega ferðast fólk mun minna í kreppu og því hefði kannski mátt búast við samdrætti í ferðaleit og bókunum. Þess í stað jókst notkun á vefnum um 50% frá því í desember og auglýsingatekjur tvöfölduðust.

Þetta bendir til þess að þeir sem geta ferðast leggji nú vaxandi áherslu á að leita og bera saman verð.

Í dag höfum við opnað vef sem býður uppá opið beint lýðræði, sem viðbót við fulltrúalýðræðið á Alþingi, einskonar Skuggaþing. Þessi vefur sækir sjálfvirkt ný lagafrumvörp og allar breytingar á klukkutíma fresti frá vef Alþingis og gefur þér kost á að tengjast lagaferlinu með því að skoða, ræða, breyta og kjósa.

Þessi vefur er í prufuútgáfu og við erum að leita að fólki til að hjálpa okkur með því að skrá sig inn og síðan prófa að tengjast lagaferlinu í gegnum þessa vefsíðu:

http://beint.lydraedi.is/

Hægrismelltu og vistaðu til að hala niður Bjartsýnilegur

Bæst hefur við ný síða í tenglasafn Bjartsýni.is, Hugmyndaráðuneytið, en markmið þess “er að miðla þekkingu og stuðla að því að byggja upp fjölbreytt og sveigjanlegt atvinnulíf á Íslandi með virkjun mannauðs landsmanna í nýsköpun. Nýsköpun og frumkvöðlastarfsemi er og mun áfram verða drifkraftur íslensks atvinnulífs.”

Látið okkur endilega vita þekkirðu vefsíðu sem ætti heima í tenglasafninu.

Aðrir áhugaverðir tenglar sem tengjast bjartsýni á einn eða annan hátt.

Betra Ísland
Bjartsýni.is á Facebook
nyskopun.org
Upplýsingasíða félagsmálaráðuneytisins

Margt bendir til þess að um langan aldur hafi þjóðir helg­að sér land með mælingum og útreikningum sem byggðust á arfi sagna og trúarhugmynda, um það fjalla bækur Einars og mín. Í þeim eru gamlar hugmyndir rannsakaðar út frá hefðbundnum aðferðum en þó aðallega hlutföllum og mælingum og aðallega í landslagi. Má því segja að þar sé komin skýringin á áhuga mínum á efninu –formum þess, því ég er myndlistar maður.

Gaman væri að stofnuð verði sérstök deild á háskólastigi í Reykjavík sem kenndi þessi fræði því segja má að engin þjóð í heiminum standi nær þeim en Íslendingar. Heimsmyndin á Rangárvöllum sem Einar uppgötvaði í launsögn Njálu var sú síðasta sinnar tegundar í veraldarsögunni því ný lönd sem fundust eftir árið 1000, voru helguð kristi en ekki hinum heiðnu vættum, helgun landsvæða eftir árið 1000 fór því fram með öðrum hætti. Má því segja að okkur íslendingum renni blóð til skyldunnar, því rannsóknum ber saman um að heimsmynd Rangárvalla var innflutt þekking sem barst hingað í farteski höfðingja. Frumgerðir hennar er að finna um allan heim sem grundvöllur menningarsvæða allt frá Aþenu til London eða Rangárvöllum til Nílarvalla.
Helgun lands í hinni fornu jarðartrú virðist hafa verið athöfn endurfæðingar þar sem jörðin sjálf birtist sem lifandi veruleiki.

Ef háskólar keppast um nemendur, sé ég sóknarfæri fyrir lærdóms deild sem rannsakar hugmyndafræði fornaldar með þessum formerkjum. Deild sem hæfir þjóð sem stærir sig af því að sitja á mesta menningararfi sagna í heiminum, þjóð sem hefur metnað og getu til að lesa það sem skrifað var á skinn í den.
Heimsmyndin sem landnámsmenn hennar mörkuðu í land var vel falin við trúskiptin en kemur nú upp á yfirborðið í launsögn frægustu skinnbókar sögueyjunnar; Njálssögu. Sögueyjan á að segja slíka sögu. Sennilega getur sú saga varpað ljósi á uppbyggingu menningar svæða veraldar.

Pétur Halldórsson
Höfundur bókarinnar Stærð veraldar (Salka 2007).
petur@po.is

Fjallað eru um helstu hindranir og vinnuaðferðir til að ná árangri.

Um er að ræða hópnámskeið þar sem hópurinn hittist einu sinni í viku í fimm vikur. Tveir og hálfur klukkutími í senn.

Heimaverkefni þar sem hver og einn vinnur með sín fjármál.

Einkatíma fyrir hvern og einn þar sem ráðgjafi finnur leiðir til úrbóta með hverjum þátttakanda. Einkatími er einn á námskeiðstímanum. Hægt er að bæta við fleiri einkatímum.

Á námskeiðum lærir þátttakandi vinnuaðferðir til að bæta fjárhagsstöðu sína.

Hann öðlast skilning á hvað sá hefur tileinkað sér sem nýtur velgengni í fjármálum.

Hann öðlast skilning á hverju hann þarf sjálfur að breyta til að öðlast velgengni.

Í einkatímum eru er vandinn fundinn, möguleg lausn og aðgerðaráætlun gerð.

Á meðan unnið er að lausn er veittur margþættur stuðningur eftir þörfum hvers og eins.

Í úttekt sem Félagsvísindastofnun Háskólans gerði á námskeiðinu, þá kom m.a. fram:

Út frá niðurstöðum rannsóknarinnar er hægt að svara rannsóknarspurningunni hvort námskeiðið “Leiðin til velgengni” skili bættum fjárhag játandi. Fjárhagur batnar, langtíma- og skammtímaskuldir minnka, fólk notar síður greiðslukort og verður almennt færara um að taka á fjármálum sínum og neyslu.

Í lok námskeiðs hefur þátttakandi öðlast skilning á eðli fjármálavandans og hvað þarf að gera til að ráða bót á honum. Sumir verða búnir að leysa vandann. Aðrir verða komnir með skýra aðgerðaráætlun sem unnið verður eftir. Flestir verða sjálfbjarga að loknu námskeiði en sumir þurfa áframhaldandi stuðning.

Nánari upplýsingar um námskeiðið og dagsetningar er hægt að finna á www.velgengni.is

Námskeiðið kostar 19.900 kr, innifalið námskeið einu sinni í viku í fimm vikur, námskeiðsgögn og einn einkatími.

Til að panta námskeið smelltu á linkinn, http://www.velgengni.is/Item.aspx?ItemID=53 eða fá frekari upplýsingar hringdu í síma 867 6800 eða sendu okkur fyrirspurn á min@velgengni.is.